Source :- SIRAJLIVE NEWS
കൊച്ചി | ശബരിമല കൊടിമര പുനഃപ്രതിഷ്ഠാ കേസില് വിജിലന്സ് പ്രാഥമികാന്വേഷണത്തിന് ഹൈക്കോടതിയുടെ ഇടക്കാല ഉത്തരവ്. 2017 ലെ യു ഡി എഫ് ഭരണകാലത്തെ കൊടിമര പുനഃപ്രതിഷ്ഠയിലാണ് ദേവസ്വം ബഞ്ച് അന്വേഷണത്തിന് ഉത്തരവിട്ടിരിക്കുന്നത്. വിജിലന്സ് ഡയറക്ടര് പ്രത്യേക ടീം രൂപവത്കരിക്കണമെന്നും അന്വേഷണം 30 ദിവസത്തിനകം പൂര്ത്തിയാക്കണമെന്നും കോടതി നിര്ദേശിച്ചു. മഹസര് ഉള്പ്പെടെ എല്ലാ രേഖകളും വിജിലന്സ് ഡയറക്ടര്ക്ക് നല്കാനും നിര്ദേശിച്ചിട്ടുണ്ട്.
പ്രതികളുടെ ഒപ്പില് ശാസ്ത്രീയ പരിശോധന വേണം. സാമ്പത്തിക ഇടപാടുകളുടെ രേഖകള് പരിശോധിക്കണം. സ്വര്ണം സംഭാവന ചെയ്തവരുടെ മൊഴി രേഖപ്പെടുത്തുകയും പുനഃപ്രതിഷ്ഠക്ക് ലഭിച്ച സ്വര്ണത്തിന്റെ അളവ് തിട്ടപ്പെടുത്തുകയും ചെയ്യണം. ഇത് ദേവസ്വം മാനുവല് അനുസരിച്ച് ആണോ തയ്യാറാക്കിയതെന്ന് പരിശോധിക്കണമെന്നും ഹൈക്കോടതി ഉത്തരവില് വ്യക്തമാക്കി.
2016 സെപ്തംബര് 23ല് പ്രയാഗ് ഗോപാലകൃഷ്ണന് പ്രസിഡന്റായ ദേവസ്വം കമ്മിറ്റിയുടെ ബോര്ഡ് യോഗമാണ് കൊടിമര പുനഃപ്രതിഷ്ഠക്ക് അനുമതി നല്കിയത്. അജയ് തറയില്, കെ രാഘവന് എന്നിവരായിരുന്നു ബോര്ഡ് അംഗങ്ങള്.
