Source :- ZEE NEWS
Pahalgam Terrorist Attack : जम्मू काश्मीरच्या पहलगाम भागात 22 एप्रिल 2025 रोजी झालेल्या दहशतवादी हल्ल्यां संपूर्ण देशाच्या पायाखालची जमीन सरकली. ठिकठिकाणी निदर्शन करत या हल्ल्याचा निषेध समाजातील सर्वच स्तरांतून नोंदवण्यात आला. काश्मीरमध्येसुद्धा स्थानिकांनी या भ्याड हल्ल्याचा कडाडून विरोध करत हे असे हल्ले खपवून घेणार नसल्याचा इशारा कट्टरतावादी गट आणि दहशकवाद्यांना दिला.
इथं भारतातून कडाडून विरोध होत असताना आणि धोरणात्मक तत्त्वांवर पाकिस्तानची कोंडी केली जात असतानाच तिथं पाकिस्ताननंही भारताला उत्तर देण्यासाठी काही मार्ग अवलंबले मात्र इथंही त्यांचा कावेबाजपणा लपून राहिला नाही. इथं दोन देशांमध्ये तणाव वाढत असतानाच तिथं परदेशातही याचे पडसाद उमटताना दिसू लागले आहेत.
सोशल मीडियावर सध्या एक व्हिडीओ व्हायरल होत आहे, जिथं लंडनमध्ये (London Pakistan High Commission) पाकिस्तानी दूतावासातील एक उच्चस्तरिय अधिकारी त्यांच्या दर्पोक्तीनं भारतीय आंदोलकांना डिवचताना दिसत आहेत.
पाकिस्तानी दूतावासासमोर आंदोलन
पहलगाम दहशतवादी हल्ल्याचा भारतातूनच नव्हे तर जगभरातून निषेध करण्यात येतोय. लंडनमध्येही भारतीय विद्यार्थ्यांनी पाकिस्तानी दूतावासासमोर आंदोलन केलं. मात्र यावेळी पाकिस्तानी राजनैतिक अधिकाऱ्यांनी एकच थयथयाट केल्याचं पाहायला मिळालं. पाकिस्तानी कर्नल तैमूर यांनी बाल्कनीत उभं राहून भारतीय आंदोलकांकडे इशारे केले. ‘सर तन से जुदा’चे इशारे करत तैमूर यांनी भारतीय आंदोलकांना डिवचण्यचा प्रयत्न केला आणि या क्षणाचे व्हिडीओ सोशल मीडियावर व्हायरल होताच संतापाची लाट उसळली. तैमूर यांच्या हातात यावेळी भारतीय लष्करी अधिकारी अभिनंदन यांचा फोटो असणारं पोस्टरही पाहायला मिळालं. व्हायरल होणाऱ्या या व्हिडीओसंदर्भात आणखी माहिती प्रतीक्षेत असतानाच आता तो मोठ्या प्रमाणात विविध माध्यमांवर युजर शेअर करत नाराजीचा तीव्र सूर आळवताना दिसत आहेत.
लंदन में भारतीय लोग पाकिस्तानी दुतावास के बाहर पहलगाम हमले के खिलाफ प्रदर्शन कर रहे थे
तब कर्नल तैमूर राहत जो ब्रिटेन में पाकिस्तान का मिलिट्री अटैशे है उसने दूतावास की बालकनी पर आकर भारतीयों को अभिनंदन की तस्वीर लेकर उनका गला काटने का इशारा किया #PahalgamTerroristAttack pic.twitter.com/tY7f17cUQb
— Sachin Panwar (@ChowdharyPanwar) April 26, 2025
VIDEO | Indian community stages protest outside the Pakistan High Commission in London against the Pahalgam terror attack that took 26 innocent lives.
(Full video available on PTI Videos – https://t.co/n147TvrpG7) pic.twitter.com/QDGnm7vPBl
— Press Trust of India (@PTI_News) April 26, 2025
विरोधाचा एकच नारा…
लंडनमध्ये पाकिस्तानी दूतावासाबाहेर पहलगाम दहशतवादी हल्ल्याच्या निषेधार्थ मोठ्या संख्येनं भारतीय नागरिकांनी हातात निषेधाचे फलक आणि राष्ट्रध्वज घेत विरोधाचा सूर आळवला. अडचणीच्या आणि संघर्षाच्या या प्रसंगी देश म्हणून आम्ही सारे एकत्र आहोत असं ठणकावून सांगताना भारतानं पाकिस्तानची कोंडी केल्याची नारेबाजीसुद्धा या आंदोलकांनी केल्याचं पाहायला मिळालं आणि या सर्व वातावरणातच पाकिस्तानी अधिकाऱ्यांची ही कृती टीकेची धनी ठरली.
SOURCE : ZEE NEWS
