IND vs SA : બુમરાહનો એ બૉલ જેમાં વિકેટ પડી તો બૉલર કે અમ્પાયર કોઈને કેમ ખબર ના પડી, પછી બૅટ્સમૅનને આઉટ કેમ આપ્યો?

ભારતીય ટીમના પેસર જસપ્રીત બુમરાહે રવિવારે ટી20 વિશ્વકપ 2026માં દક્ષિણ આફ્રિકા સામે સુપર-8 મૅચમાં શાનદાર બૉલિંગ કરી હતી.

તેમણે અમદાવાદના નરેન્દ્ર મોદી સ્ટેડિયમમાં ચાર ઓવરના સ્પેલમાં માત્ર 15 રન આપીને ત્રણ વિકેટ ઝડપી હતી.

બુમરાહની વેધક બૉલિંગને કારણે જ પ્રારંભિક ઓવરોમાં મહેમાન ટીમ મુશ્કેલીમાં મૂકાઈ ગઈ હતી અને સાત વિકેટના ભોગે 187 રન બનાવ્યા હતા.

જોકે, કૉર્બિનની વિકેટ મૅચ દરમિયાન બનેલી અજીબ ઘટના હતી, જેમાં બુમરાહને જ ખબર નહોતી પડી કે શું થયું હતું.

જસપ્રીત બુમરાહે અમદાવાદમાં હોમ પીચ ઉપર સામે છેડે બૉલિંગ આક્રમણ સંભાળ્યું, ત્યારે તેમનો આત્મવિશ્વાસ ઝળકતો હતો.

બુમરાહે બીજી જ ઓવરમાં ક્વિંટન ડિ-કૉકને તેમણે બોલ્ડ કર્યા જ્યારે કે ચોથી ઓવરમાં રયાન રિકેલ્ટનને પેવેલિયન મોકલ્યા હતા.

આમ પાવરપ્લેમાં જ બુમરાહે ક્વિંટન ડી-કૉક અને રયાન રિકેલ્ટનને પેવેલિયન મોકલી દીધા હતા. તેની શાનદાર બૉલિંગને કારણે જ દક્ષિણ આફ્રિકાની ટીમ દબાણ હેઠળ આવી ગઈ હતી અને 200નો આંકડો પાર ન કરી શકી.

19મી ઓવરમાં કૉર્બિન બૉશને ચાલતા કર્યા હતા. ટૉસ હારીને પહેલા બૉલિંગ માટે ઉતરેલી ટીમ ઇન્ડિયા માટે બુમરાહે કમાલનું પ્રદર્શન કર્યું હતું.

આ સાથે તેમણે મોટો રેકૉર્ડ પણ પોતાના નામે કર્યો હતો. તેમણે ટીમ ઇન્ડિયાના સુપરસ્ટાર રહેલા સ્પીનર રવિચંદ્રન અશ્વિનનો રેકૉર્ડ તોડ્યો હતો.

3 વિકેટ લેતાની સાથે જ જસપ્રીત બુમરાહે આઈસીસી ટી20 વર્લ્ડકપના ઇતિહાસમાં બુમરાહ સૌથી વધુ વિકેટ લેનારા બૉલર બની ગયા છે.

બુમરાહે 22 મૅચમાં 33 વિકેટ ઝડપી છે. આ પહેલા આ રેકૉર્ડ રવિચંદ્રન અશ્વિનના નામે હતો. અશ્વિને 24 મૅચમાં 32 વિકેટ ઝડપી હતી.

બુમરાહે બૉશની વિકેટ લેતાની સાથે જ આ રેકૉર્ડ તોડ્યો હતો અને તેઓ અશ્વિનની આગળ નીકળી ગયા હતા.