Source :- ZEE NEWS
Sunder Pichai Lifestyle: पिचाई सुंदरराजन उर्फ सुंदर पिचाई हे नाव जगभरात साऱ्यांच्याच ओळखीचे आहेत. भारतीय वंशाचे सुंदर पिचाई गेल्या 15 वर्षांपासून गुगलशी जोडले गेले आहेत. 2015 मध्ये त्यांना गुगलचे सीईओ बनवण्यात आले. सुंदर पिचाई यांनी त्यांचे काम अगदी सहजतेने हाताळले आहे आणि त्यांच्या समर्पणाचे आणि कठोर परिश्रमाचे फळ म्हणजे आता त्यांना गुगलची मूळ कंपनी अल्फाबेटचे सीईओ देखील बनवण्यात आले आहे.
इंटरनेटच्या या युगात जगातील सर्वात महत्त्वाच्या कंपन्यांमध्ये सर्वोच्च पदावर येण्यापूर्वीच त्यांचे उत्पन्न 600 दशलक्ष डॉलर्स होते. सुंदर पिचाई यांच्या यशामागील रहस्य जाणून घेण्यासाठी अनेक लोक उत्सुक असतात. सुंदर पिचाई यांच्या जीवनशैलीबद्दलच्या काही गोष्टी जाणून घेऊया.
सकाळी उठणे आवडत नाही
2016 मध्ये सुंदर पिचाई यांनी एका मुलाखतीदरम्यान त्यांना न आवडणाऱ्या गोष्टीबद्दल सांगितले होते. ते सकाळी 6.30 ते 7 च्या दरम्यान उठतात. मात्र उठल्यानंतर त्यांना बराच वेळ अंथरुणावर पडून राहण्याची सवय आहे. ‘मला सकाळी उठणे अजिबात आवडत नाही.’, असे सुंदर पिचाई यांनी म्हटले होते.
त्यांना नाश्त्यासाठी चहा, टोस्ट आणि ऑम्लेट आवडते. सुंदर पिचाई कधीकधी जिममध्ये जातात. बहुतेकदा ते संध्याकाळी जिममध्ये जाऊन व्यायाम करतात.
धावपळ करुन राहतात फिट
सुंदर पिचाई व्यायाम वगैरे इतके टाळतात, तर ते इतके तंदुरुस्त कसे आहेत? आता तुमच्या मनात हा प्रश्न नक्कीच उद्भवत असेल. सुंदर पिचाई त्यांच्या ऑफिसमध्ये खूप धावपळ करत असतात. ते त्यांच्या बहुतेक बैठका वरच्या मजल्यावर किंवा खाली घेतात. यामुळे त्यांना विचार करण्यास मदत होते, असे ते सांगतात. जगभरातील लाखो लोकांना त्यांच्या बातम्या गुगलवर मिळतात. पण पिचाई वॉल स्ट्रीट जर्नल वर्तमानपत्राशिवाय त्यांचा सकाळचा चहा पीत नाहीत. याशिवाय त्यांना न्यू यॉर्क टाइम्स ऑनलाइन वाचायला देखील आवडते.
20 ते 30 स्मार्टफोन
त्यांनी 2006 मध्ये त्यांचा पहिला स्मार्टफोन खरेदी केला होता पण त्याआधी त्यांनी 1995 मध्ये मोटोरोला स्टारटेक नावाचा एक मोबाईल विकत घेतला होता. पिचाई यांच्याकडे 20 ते 30 स्मार्टफोन आहेत. त्यापैकी बरेच ते वेगवेगळ्या प्रकारच्या चवींसाठी वापरतात.
पिचाईंना गोड पदार्थ आवडत नाहीत. लहानपणी ते खीरमध्ये सांबार मिसळून खात असत. दक्षिण भारतात खीरला पयासम म्हणतात.
SOURCE : ZEE NEWS
