బొమ్మనే అమ్మ అనుకుంటోందా? జపాన్ జూలోని ఈ కోతిపిల్ల వీడియో ఎలా వైరల్ అయ్యిందంటే..

జపాన్‌లోని ఇచికావా సిటీ జూలో ఉండే ఈ కోతి పిల్లకు జూ సిబ్బంది పెట్టిన పేరు పంచ్.

కారణమేంటో తెలియదుగానీ, పుట్టిన కొన్నాళ్లకే దీనిని తల్లి పక్కబెట్టటం మొదలుపెట్టింది.

దీంతో ఆ కోతి పిల్ల ఒంటరిదయింది. గుంపులోని మిగిలిన కోతి పిల్లలకూ దాదాపు ఇదే పరిస్థితి ఉంది.

దీంతో సిబ్బంది దానికి ఒక ఒరంగుటాన్ బొమ్మను ఇచ్చారు. ఆ బొమ్మనే తల్లి అనుకుందో, లేదంటే బొమ్మగానే ఆడుకుంటోగానీ, ఆ బొమ్మతో అది ఆడే ఆటలను చూపరులు ఆసక్తిగా చూస్తున్నారు. వైరలైన ఈ వీడియో ఆన్‌లైన్‌లో లక్షలమంది నెటిజన్ల హృదయాలను కదిలించింది.

ఈ పిల్ల కోతి ఆ బొమ్మలోనే తన తల్లిని చూసుకుంటోందంటూ చాలామంది వ్యాఖ్యానించారు.

అయితే, ఇప్పుడిప్పుడే పంచ్‌ను తమ గుంపులో ఒకరిగా చూస్తున్నాయి పెద్ద కోతులు.

మకాక్ కోతుల్లో సామాజిక బంధాలకు ప్రతీకగా భావించే ‘గ్రూమింగ్’ (శరీరంపై ఉండే రోమాలను సరిచేయడం)ను ఈ కోతిపిల్లకు మిగిలిన కోతులు చేయడం కనిపించింది.

అంటే, క్రమంగా ఈ పిల్లకోతి పెద్ద కోతుల్లో కలిసిపోతోందన్నమాట.

(బీబీసీ కోసం కలెక్టివ్ న్యూస్‌రూమ్ ప్రచురణ)