ଜିଲ୍ଲା ସୂଚନା ଲୋକସଂପର୍କ ଅଧିକାରୀଙ୍କ ବିଦାୟ କାଳୀନ ସମ୍ବର୍ଦ୍ଧନା ସଭା

ଭଦ୍ରକ, ୧ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଜିଲ୍ଲା ସଂସ୍କୃତି ଭବନ ଠାରେ ଭଦ୍ରକ ଜିଲ୍ଲାର କାର୍ଯ୍ୟରତ ସାମ୍ବାଦିକଙ୍କ ତରଫରୁ ଜିଲ୍ଲା ସୂଚନା ଲୋକସଂପର୍କ ଅଧିକାରୀ ରମେଶ ଚନ୍ଦ୍ର ନାୟକଙ୍କ ବିଦାୟ କାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଯାଇଛି ।ଏହି ସଭାରେ ସାମ୍ବାଦିକ ଜ୍ଞାନ ପ୍ରକାଶ ପାଣି ସଭାପତିତ୍ୱ କରିଥିବା ବେଳେ ମୁଖ୍ୟ ଅତିଥି ଭାବେ ଜିଲ୍ଲାପାଳ ଦିଲ୍ଲୀପ ରାଉତରାୟ ଯୋଗଦେଇଥିଲେ। ସମ୍ମାନିତ ଅତିଥି ଭାବେ ଭଦ୍ରକ ପୌରାଧିକାରୀ ତାପସ ସାମଲ, ବରିଷ୍ଠ ସାମ୍ବାଦିକ ଦୁର୍ଗାଶଙ୍କର ବିଶ୍ୱାଳ ଏବଂ ବିଦାୟୀ ଜିଲା ସୂଚନା ଓ ଲୋକ ସଂପର୍କ ଅଧିକାରୀ ରମେଶ ଚନ୍ଦ୍ର ନାୟକ ମଂଚାସୀନ ହୋଇଥିଲେ। ସମସ୍ତ ଅତିଥି ମାନେ ପ୍ରଦୀପ ପ୍ରଜ୍ୱଳନ କରିବା ପରେ ସଭା କାର୍ଯ୍ୟ ଆରମ୍ଭ ହୋଇଥିଲା । ସମସ୍ତ ବରିଷ୍ଠ ଓ କନିଷ୍ଠ ସାମ୍ବାଦିକ ମାନେ ରମେଶ ନାୟକଙ୍କୁ ଭୁୟସୀ ପ୍ରଶଂସା କରଥିଲେ । ଚାକିରୀ କାଳ ମଧ୍ୟରେ ଅନେକ ଝଡ ଝଞ୍ଜା ଆସିଥିଲେ ମଧ୍ୟ ଶ୍ରୀ ନାୟକ ନିଜର ଶାରୀରିକ ଅସୁସ୍ଥତା କୁ ପଛରେ ପକାଇ ନିଜ କାର୍ଯ୍ୟକୁ ସଫଳ ଭାବରେ ସମ୍ପାଦନ କରିଥାନ୍ତି ବୋଲି ଜିଲ୍ଲାପାଳ କହିଥିଲେ। ଜିଲାପାଳ ଶ୍ରୀ ରାଉତରାୟ ଏକ ଉଦାହରଣ ଦେଇ ଅହଂକାର ଓ ସଂସ୍କାର ମଧ୍ୟରେ ପାର୍ଥ୍ୟକ କୁ ଦର୍ଶାଇ ଅହଂକାର ଅନ୍ୟ ର ମୁଣ୍ଡ ନୁଆଇଁ ଖୁସି ହୁଏ କିନ୍ତୁ ସଂସ୍କାର ଅନ୍ୟ ଆଗରେ ମୁଣ୍ଡ ନୁଆଇଁ ଖୁସି ହୋଇଥାଏ ବୋଲି କହିଥିଲେ। ତେଣୁ ରମେଶ ବାବୁଙ୍କ ପାଇଁ ସାମ୍ବାଦିକ ଙ୍କ ପକ୍ଷରୁ ଦୁଇଥର ଓ ପ୍ରଶାସନ ତରଫରୁ ମଧ୍ୟ ଅବସରକାଳୀନ ସମ୍ବର୍ଦ୍ଧନା ସଭା ଅନୁଷ୍ଠିତ ହୋଇଛି । ଏହି କାର୍ଯ୍ୟକ୍ରମ ସାମ୍ବାଦିକ ରୂପକ ବିହାରୀ ରାୟ ଓ ଅବିନାଶ ପଣ୍ଡା ଙ୍କ ତତ୍ୱାବଧାନରେ ଆୟୋଜିତ ହୋଇଥିଲା। ଶେଷରେ ସାମ୍ବାଦିକ ରମେଶ ପାଗଳ ଧନ୍ୟବାଦ ଅର୍ପଣ କରିଥିଲେ।