ଆଖଣ୍ଡଳମଣି ପୀଠରେ ତୁଟୁନି ବିସ୍ଥାପିତଙ୍କ ବିବାଦ ,ପୂର୍ବତନ ଆର.ଆଇଙ୍କୁ ଘେରିଲେ ବିସ୍ଥାପିତ, ବିସ୍ଥାପିତଙ୍କୁ ମିଳିବନି ଦେବୋତର ସମ୍ପତିର ଅର୍ଥ!

ଭଦ୍ରକ, ୫ା୪ (ଓଡ଼ିଆ ପୁଅ / ସ୍ନିଗ୍ଧା ରାୟ) – ଭଦ୍ରକ ଜିଲା ଆରଡିପୀଠର ଆରାଧ୍ୟଦେବ ବାବା ଆଖଣ୍ଡଳମଣିଙ୍କ ମନ୍ଦିର ଚତୁଃପାର୍ଶ୍ୱ ଓ ପୀଠର ଉନ୍ନତିକରଣ ପାଇଁ ପୂର୍ବ ସରକାରଙ୍କ ପକ୍ଷରୁ ୨ଟି ପର୍ଯ୍ୟାୟରେ ଯୋଗାଇ ଦିଆଯାଇଛି ୪୮କୋଟି ଟଙ୍କା । ହେଲେ ତତ୍କାଳିନ ଆର.ଆଇ ଦେବାଶିଷ ରାୟଙ୍କର ଅଧିକାଂଶ ଜାଗାରେ ଭୁଲ ମାପଚୁପ ଯୋଗୁ ବହୁ ବିସ୍ଥାପିତଙ୍କ ମଧ୍‌୍ୟରେ ବିବାଦ ବଢିବାରେ ଲାଗିଛି । ବିବାଦୀୟ ଜାଗାର ସଂସୋଧନ ପାଇଁ ଗତ ମାର୍ଚ୍ଚମାସ ୨୦ରେ ମନ୍ଦିର ପରିସରରେ ନଟକା ଜାରି କରାଯିବା ସହ ପୁନଃ ଯାଂଚ ପାଇଁ ୭ଦିନ ସମୟ ଦିଆଯାଇଥିଲା ବିସ୍ଥାପିତଙ୍କୁ । ହେଲେ ପୂର୍ବରୁ ଥିବା ଆର.ଆଇ ଶ୍ରୀ ରାୟଙ୍କ ଦ୍ୱାରା ହୋଇଥିବା ମାପଚୂପ ଅନେକ ସ୍ଥାନରେ ତୃଟି ରହିଥିବା ଦେଖିବାକୁ ପାଇଥିଲେ ଜିଲା ଭୂର୍ଜନ ଅଧିକାରୀ ତଥା ଡେପୁଟି କଲେକ୍ଟର କାର୍ତିକନାଥ ମଣ୍ଡଳଙ୍କ ସହ ଚାନ୍ଦବାଲି ଅତିରିକ୍ତ ତହସିଲିଦାର ଓ ଅନ୍ୟ ଅଧିକାରୀ । ଶନିବାର ବିବାଦିୟ ଜାଗାର ବିସ୍ଥାପିତଙ୍କୁ ନେଇ ଫଇସଲା ନିମନ୍ତେ ମନ୍ଦିର ଅତିଥି ଭବନରେ ଜିଲା ଭୂର୍ଜନ ଅଧିକାରୀ ଶ୍ରୀ ମଣ୍ଡଳଙ୍କ ସହ ଅନ ଅଧିକାରୀ ଯୋଗଦେଇଥିଲେ । ହେଲେ ତତ୍କାଳିନ ଆର.ଆଇ ଶ୍ରୀ ରାୟଙ୍କ ଦ୍ୱାରା ୨-୩ଥର ମାପଚୁପ କରାଯାଇଥିଲେ ମଧ୍ୟ ୪୦ଉର୍ଦ୍ଧ ଜାଗାର ଫଇସଲା ହୋଇପାରିନଥିଲା । ଫଳରେ ପୁର୍ନବାର ୭ଦିନ ପାଇଁ ପ୍ରଶାସନ ପକ୍ଷରୁ ସମୟ ନିଆଯାଇଥିଲା । ଏପରି ବାରମ୍ବାର ତୃଟି ଯୋଗୁ ପ୍ରକଳ୍ପ କାର୍ଯ୍ୟ ଆଗେଇ ପାରୁନଥିବା ବୁଦ୍ଧିଜିବୀ ମହଲରେ ପ୍ରକାଶ ପାଇଛି । ଅନ୍ୟପଟେ ଦେବୋତର ଓ ଟ୍ରଷ୍ଟ ଜମିରେ ରାଜାଙ୍କ ଅମଳରୁ ୫୪ଜଣ ସେବାୟତ ଦଖଲରେ ରହିଥିବା ବେଳେ କୋଠାଘର କରି ବଂଶାନୁକ୍ରମେ ରହି ଆସୁଛନ୍ତି । ହେଲେ ଏବେ ଉକ୍ତ ଜମିରେ ଦଖଲରେ ଥିବା ବିସ୍ଥାପିତଙ୍କୁ ଘରର ଅର୍ଥ ମଞ୍ଜୁର ହୋଇଥିବା ବେଳେ ଜମିର ଅର୍ଥ ମିଳିବ କି ନାହିଁ ବୋଲି ଆଶାଆଶଙ୍କାରେ ରହିଛି । ଯାହାକୁ ନେଇ ବିସ୍ଥାପିତଙ୍କ ମଧ୍ୟରେ ଅସନ୍ତୋଷ ଦେଖାଦେଇଛି । ଏଥିପ୍ରତି ରାଜ୍‌ଯ ସରକାର ଦୃଷ୍ଟି ଦେବା ସହ ପୂର୍ବ ମୁଲ୍ୟାଙ୍କନ ରାଶି ଓ ଜାଗା ଯୋଗାଇ ଦେବାକୁ ବିସ୍ଥାପିତ ଦାବି କରିଛନ୍ତି ।