ભારતનું ઑપરેશન સિંદૂર : 10 તસવીરોમાં જુઓ પાકિસ્તાને ભારત પર રાત્રે હુમલો કર્યો ત્યારે શું થયું?

પહલગામ હુમલાના જવાબમાં ભારતે પાકિસ્તાન પર હવાઈ હુમલા કર્યા ત્યાર પછી પાકિસ્તાને પણ જમ્મુ અને કાશ્મીર સરહદે ભારે તોપમારો કર્યો છે. નિયંત્રણ રેખા પર આવેલાં ગામોમાં ભારે નુકસાન થયું છે, લોકો માર્યા ગયા છે અને કેટલાંક મકાનો ધ્વસ્ત થયાં છે.

પાકિસ્તાનના સતત ગોળીબારના કારણે સરહદનાં ગામોના લોકોને કૉલેજ અને બીજા પરિસરોમાં આશરો આપવો પડ્યો છે.

ભારતીય સેનાએ જણાવ્યા પ્રમાણે 8 અને 9 મેની આખી રાત પાકિસ્તાને પશ્ચિમી સરહદે હુમલો કર્યો હતો.

ભારતીય સેનાએ કહ્યું કે પાકિસ્તાને કેટલાંક ડ્રૉન હુમલા કર્યા હતા જેને નિષ્ફળ બનાવવામાં આવ્યા હતા.

શ્રીનગરમાં બીબીસી સંવાદદાતા માજિદ જહાંગીરના અહેવાલ મુજબ ગુરુવારે રાતે લગભગ 11 વાગ્યે ઉરી સેક્ટરમાં ભારે તોપમારો થયો હતો અને સીમા પર રહેતા નાગરિકોને નિશાન બનાવવામાં આવ્યા હતા.

જમ્મુ કાશ્મીરના રાજૌરીમાં હાજર બીબીસી સંવાદદાતા દિવ્યા આર્યાએ કહ્યું કે ત્યાં સંપૂર્ણપણે બ્લૅકઆઉટ લાગુ કરી દેવાયો હતો.

બીબીસી માટે કલેક્ટિવ ન્યૂઝરૂમનું પ્રકાશન